முகவர்களை நியமித்து'பேஸ்புக்'கில் விளம்பரம்

மோசடி கும்பல் குறித்து போலீசார் கூறியதாவது:இந்த மோசடி கும்பல் இரண்டு ஆண்டுகளாக செயல்பட்டு வந்துள்ளது. பல மாவட்டங்களில் வாடகை கட்டடத்தில் முகவர்களை நியமித்து, பங்குச்சந்தை முதலீடு மோசடியில் ஈடுபட்டு வந்துள்ளது.
மோசடி கும்பலைச் சேர்ந்தவர்கள், வாடகை கட்டடத்தின் ஒப்பந்தத்தை பயன்படுத்தி, ஜி.எஸ்.டி., எண்களையும் பெற்றுள்ளனர். மேலும், போலி வங்கி கணக்குகள் துவங்கி, அதன் வாயிலாகவும் பண மோசடியில் ஈடுபட்டுள்ளனர்.அதிகமான முதலீடுகளை ஈர்க்க, 'பேஸ்புக், யுடியூப்' உள்ளிட்ட சமூக வலைதளங்கள் வாயிலாக விளம்பரமும் செய்துள்ளனர். பொது மக்களின் வங்கி கணக்குகளை பயன்படுத்திக்கொள்ள 'கமிஷன்' தொகையும் வழங்கி உள்ளனர். மோசடி தொகையை வெளி நாடுகளுக்கும் அனுப்பி உள்ளனர். இது தொடர்பாக விரிவான விசாரணை நடக்கிறது. கூட்டாளிகளையும் தேடி வருகிறோம்.இவ்வாறு அவர்கள் கூறினர்.