எல்லா இடங்களிலும் பிரச்னைதான்

 சூளைமேடு - அரும்பாக்கம் 100 அடி சாலையில் உள்ள, லோகநாதன் நகர், எம்.எம்.டி.ஏ., காலனி, விநாயகபுரம் பிரதான சாலை, சூளைமேடு அண்ணா நெடும்பாதை யிலும் மழைநீர் வடிகால்வாய் பணிகள் நிலுவையில் உள்ளன  வில்லிவாக்கம், 95வது வார்டு நாதமுனி அருகில் திருமங்கலம் சாலை வழியாக சென்ற வடிகால்வாய் பல மாதங்களாக நிலுவையில் உள்ளது. ஒரே இடத்தில், பல காரணங்களால் மூன்று ஒப்பந்ததாரர்கள் மாறியும் பணிகள் இன்னும் முடியவில்லை  வடபழனி 100 அடி சாலை, அழகிரி தெரு முதல் அரும்பாக்கம் வரை, வடிகால்வாய் அமைக்கும் பணி ஆமை வேகத்தில் நடந்து வருகிறது  மாதவரம் - சூரப்பட்டு பிரதான சாலை, விஜயலட்சுமி நகர் சந்திப்பில், ஓராண் டுக்கும் மேலாக கிடப்பில் போடப்பட்ட மழைநீர் வடிகால்வாய் பணி, தற்போது தான் துவங்கியுள்ளது. அய்யன் திரு வள்ளுவர் சாலை மற்றும் சூரப்பட்டு சாலை சந்திப்பிலும், நேற்று முன்தினம் தான் பணிகள் துவங்கியுள்ளன  புழல், புத்தகரம் - அம்பத்துார் சர்வீஸ் சாலையில், நான்கு மாதங்களுக்கும் மேலாக நடந்து வந்த வடிகால்வாய் பணி இன்னும் முடியாமல் உள்ளது  திருவொற்றியூர், ஆறாவது வார்டு, மணலி விரைவு சாலையோரம், மதுரா நகர் - கலைஞர் நகர் வரையில், 180 மீட்டர் மழைநீர் வடிகால்வாய் கிடப்பில் உள்ளது  திருவொற்றியூர் நான்காவது வார்டு, வி.பி., நகர் உள்ளிட்ட மூன்று பகுதி களில் இருந்து, பகிங்ஹாம் கால்வாயுடன் இணையும் பிரதான கால்வாய்களுக்கு மதகுகள் அமைக்கப்படவில்லை. இதனால், கால்வாயில் வெள்ளப்பெருக்கு ஏற்பட்டு திருவொற் றியூர் மேற்கு பகுதி ஆபத்தில் சிக்கும்  ஆவடி, கோவில் பதாகை இந்திரா நகர் முதல் கன்னடபாளையம் வரை, சாலையின் இருபுறமும் வடிகால்வாய் கட்டப்பட்டது. ஒன்றரை ஆண்டுகளாகியும் இந்திரா நகர் அருகே சாலையில், வடிகால்வாய் இணைப்பு கொடுக்கும் பணி அரைகுறையாக உள்ளது. இவை உதாரணத்திற்குதான். இன்னும் பல இடங்களில் இதே நிலைதான்.