சென்னை,தமிழ்நாடு மாநில வாலிபால் சங்கம் சார்பில், எஸ்.என்.ஜே., தமிழ்நாடு வாலிபால் 'லீக்' போட்டிகள், சென்னை மயிலாப்பூரில் உள்ள சாந்தோம் பள்ளியில் நடக்கின்றன.

சென்னையில் முதல் முறையாக நடக்கும் இப்போட்டியில், சென்னை ராக் ஸ்டார்ஸ், விழுப்புரம் சூப்பர் கிங்ஸ், கிருஷ்ணகிரி புல்ஸ், விருதுநகர் கிங் மேக்கர்ஸ், குமரி பீனிக்ஸ், கடலுார் ஆகிய ஆறு அணிகள் பலப்பரீட்சை நடத்துகின்றன. போட்டிகள், 'ரவுண்ட் ராபின்' முறையில் நடக்கின்றன.

நேற்று முன்தினம் மாலை நடந்த போட்டியில், சென்னை ராக் ஸ்டார்ஸ் அணி மற்றும் குமரி பீனிக்ஸ் மோதின. இப்போட்டியில், 4 - 1 என்ற கணக்கில் சென்னை அணி வெற்றி பெற்றது. மற்றொரு போட்டியில், கடலுார் அணி, 3 - 2 கணக்கில் விருதுநகரை வீழ்த்தியது.

நேற்று மாலை நடந்த போட்டியில், சென்னை ராக் ஸ்டார்ஸ் மற்றும் கிருஷ்ணகிரி புல்ஸ் அணிகள் எதிர்கொண்டன.

அதில், 21 - 15, 14 - 21, 21 - 12, 21 - 17 கணக்கில், சென்னை அணி வெற்றி பெற்றது. முதல் நாள் போட்டியில் தோல்வியை சந்தித்த சென்னை ராக் ஸ்டார்ஸ் அணி, அடுத்தடுத்த போட்டியில் வெற்றியை ருசித்தது.