ஓர்மைகள் மறக்குமோ

ஆசிரியர்: அரசு அமல்ராஜ்

வெளியீடு: காலச்சுவடு

பக்கம்: 239, விலை: ரூ.290

-

மேற்கு தொடர்ச்சி மலையில் உள்ள மாஞ்சோலையை புவியியல், நிலவியல், சூழலியல் ரீதியில் ஆராயும் நுால். சோலைக்காடு வளமானதையும், அங்குள்ள மக்களின் பண்பாடு, கலாசாரம் பற்றியும் அலசுகிறது. அந்நிலத்தின் மாறி மாறி அமைந்துள்ள அதிகாரம் பற்றியும் பேசும் நுால்.

********

விடுதலைப் போரில் பத்திரிகையாளர்கள்

ஆசிரியர்: வி.என்.சாமி

வெளியீடு: வி.என்.சாமி, மதுரை.

பக்கம்: 720, விலை: ரூ.600

-

இந்திய விடுதலைப் போருக்கு ஆதரவளித்த பத்திரிகையாளர்கள் குறித்த விபரங்களை, 133 தலைப்புகளில் விரிவாகத் தொகுத்துள்ளார் ஆசிரியர். தியாகிகளுக்கு ஆதரவாகவும் மக்களுக்கு பாலமாகவும் இருந்த பத்திரிகையாளர்களின் ஆவணம் இது.

*******

கஸ்துார்பா வி.எஸ்.காந்தி

ஆசிரியர்: பரகூர் ராமச்சந்திரப்பா

தமிழாக்கம்: மதுமிதா, மலர்விழி

வெளியீடு: ஹெர் ஸ்டோரிஸ், சென்னை.

பக்கம்: 200, விலை: ரூ.250

-

கன்னடத்தில் எழுதப்பட்டு, தமிழில் மொழிபெயர்க்கப்பட்டுள்ள இந்நுாலில், காந்தியின் வாழ்வில், அவர் மனைவி கஸ்துாரி பாய் ஆற்றிய பங்களிப்புகள் புனையப்பட்டுள்ளன. வீட்டிலும், நாட்டிலும் தன் கணவரின் எண்ணங்களை அறிந்து, அதற்கு உதவிய கஸ்துாரி பாயை கச்சிதமாக்கிய நுால்.

*******

சூரியக் குடும்பம்

ஆசிரியர்: பா.ஸ்ரீகுமார்

வெளியீடு: சுட்டி மீடியா, சென்னை.

பக்கம்: 46, விலை: ரூ.120

-

குழந்தைகளுக்கு வானியலை புரிய வைக்கும் வகையில் மலர்ந்துள்ள நுால். சூரியக் குடும்பத்தை பற்றி எளிமையாக எடுத்துரைக்கிறது. சூரிய குடும்பத்தை விளக்கி, அதில் உள்ள ஒவ்வொரு கோள் பற்றியும் விளக்குகிறது. சிறுவர்களுக்கு ஏற்ற எளிய நுால்.

********

அதல பாதாளம் முதல் ஆகாயம் வரை

ஆசிரியர்: கஸ்துாரி வெங்கடேசன், பெ.சசிக்குமார்

வெளியீடு: எழிலினி பதிப்பகம், சென்னை.

பக்கம்: 368, விலை: ரூ.600

-

எளிய குடும்பத்தில் பிறந்தாலும், உழைப்பாலும் கல்வியாலும் ஜப்பானின் கடல் உயிரியியல் துறையில் பணியேற்று சாதனைகள் புரிந்தவர்; படிப்படியாக உயர்ந்து நாசாவில் முதுநிலை விஞ்ஞானியாக உயர்ந்தவர்; அவர் தாண்டிய தடைகளை விளக்கும் தன்னம்பிக்கை சுயசரிதை.