சென்னை, ஜூலை 11-

சென்னையில், விம்கோ நகர் -- விமான நிலையம் நீல நிற வழித்தடத்தில், சென்ட்ரல் மெட்ரோ ரயில் நிலையம் அருகே, நேற்று மாலை 5:55 மணியளவில், திடீரென தொழில்நுட்ப கோளாறு ஏற்பட்டது.

இதையடுத்து, இந்த வழித்தடத்தில் சென்ட்ரல் -- விமான நிலையம் வரை, மெட்ரோ ரயில்கள் சிறிது நேரம் ஆங்காங்கே நிறுத்தப்பட்டன. இதனால், மெட்ரோ ரயில் சேவை, 30 நிமிடங்கள் வரை பாதிக்கப்பட்டது.

தொழில்நுட்ப கோளாறை சரிசெய்யும் பணியில், மெட்ரோ ரயில் நிறுவன தொழில்நுட்ப அதிகாரிகள், ஊழியர்கள் ஈடுபட்டனர். மாலை 6:20 மணியளவில், இந்த கோளாறு சரி செய்யப்பட்டு, ரயில்கள் வழக்கம் போல இயங்கின.