யார் பொறுப்பு?

கடந்த ஜனவரி 23ம் தேதி காலை, கொரட்டூர் வடக்கு, 200 அடி சாலை சந்திப்பில், சேதமடைந்த சாலையால், இருசக்கர வாகனத்தில் சென்ற வித்யா, 35, என்பவர், மாநகர பேருந்தில் சிக்கி பலியானார். அதை தொடர்ந்து, 25ம் தேதி காலை இருசக்கர வாகனத்தில், புழலில் உள்ள அலுவலகத்திற்கு சென்ற கவிதாஞ்சலி, 29, என்பவர், அம்பத்துார் - -செங்குன்றம் சாலையில் இருந்த பள்ளத்தால் நிலைதடுமாறி, லாரியில் சிக்கி பலியானார்.இந்த சாலையில், அதிகளவிலான பெண்கள் தங்கள் பிள்ளைகளை, இருசக்கர வாகனத்தில் பள்ளி, கல்லுாரிகளுக்கு அழைத்து செல்வது வழக்கம். இச்சாலையில் உள்ள நிலைதடுமாற வைக்கும் பள்ளங்களால், அவர்கள் ஒருவித அச்சத்துடனேயே குழந்தைகளை அழைத்து சென்று வருகின்றனர்.