சென்னை, டி.என்.சி.ஏ., எனும் தமிழ்நாடு கிரிக்கெட் சங்கம் சார்பில், யு - 16 பிரிவில் சிட்டி தேர்வு போட்டிகள், சேப்பாக்கம் கிரிக்கெட் மைதானத்தில் வரும் 16 முதல் 21ம் தேதிகள் வரை நடக்கின்றன.

தேர்வில் பங்கேற்க, 2008 செப்., 1ம் தேதி பின் அல்லது, 2010 ஆக., 31ம் தேதிக்குள் பிறந்திருக்க வேண்டும். சென்னையைச் சேர்ந்தோர் மட்டுமே பங்கேற்க முடியும்.

ஆர்வமுள்ள சிறுவர்கள், டி.என்.சி.ஏ.,வின் அதிகாரபூர்வமான, www.tnca.in என்ற இணையதளத்தில், வரும் 11ம் தேதி மாலைக்குள் பதிவு செய்யலாம்.

ஆவண சரிபார்ப்புக்கு பின், வீரர்களை தேர்வு செய்யும் நாள், தேதி விண்ணப்பதாரரின் மின்னஞ்சலுக்கு அனுப்படும் என, டி.என்.சி.ஏ., தெரிவித்தது.