சூளைமேடு, சூளைமேடு, வீரபாண்டி நகர், இரண்டாவது தெருவில் மோகன் என்பவருக்கு சொந்தமான அடுக்குமாடி வீடு உள்ளது. வீட்டின் தரைத்தளத்தில் இருந்த பிரிஜ் திடீரென வெடித்து, தீப்பிடித்தது.

வீட்டில் இருந்த படுக்கை மற்றும் 'டிவி'க்கும் தீ பரவி, புகைமண்டலம் ஏற்பட்டது. அருகில் இருந்த வீடுகளுக்கும் புகை பரவியதால் உடனடியாக தீயணைப்பு துறையினருக்கு தகவல் தெரிவித்தனர்.

தகவலறிந்து வந்த விருகம்பாக்கம், கோயம்பேடு தீயணைப்பு நிலைய வீரர்கள் தீயை கட்டுப்படுத்தி, வீட்டிற்குள் சிக்கியிருந்த அண்ணன், தங்கை இருவரை பத்திரமாக மீட்டனர்.

சூளைமேடு போலீசார் விசாரிக்கின்றனர். மின்கசிவால் தீ விபத்து ஏற்பட்டதாக முதல்கட்ட விசாரணையில் தெரிய வந்தது.