மாமல்லபுரம்:திருப்போரூர் அடுத்த, சிறுதாவூரைச் சேர்ந்தவர் சுதாகர், 42. மாமல்லபுரம், கிழக்கு கடற்கரை சாலை, தனியார் விடுதி, ஒப்பந்த நிறுவன ஊழியர்.

நேற்று முன்தினம் மாலை 5:00 மணிக்கு, மாமல்லபுரம், கிழக்கு கடற்கரை சாலை, சென்னை தடத்தில், டி.வி.எஸ்., ஸ்போர்ட் இருசக்கர வாகனத்தில் சென்றபோது, நிலைதடுமாறி விழுந்து காயமடைந்தார்.

மாமல்லபுரம் அரசு மருத்துவமனைக்கு கொண்டு சென்றபோது, அங்கு பரிசோதித்த டாக்டர், சுதாகர் இறந்து விட்டதாக தெரிவித்தார்.

மாமல்லபுரம் போலீசார் விசாரிக்கின்றனர்.