மாணவர்கள் அவதி

சிங்கபெருமாள் கோவில் -- ஸ்ரீபெரும்புதுார் சாலையில், காலை 7:00 மணி முதல் 10:00 மணி வரையும், மாலை 4:00 மணி முதல் இரவு 9:00 மணி வரையும் கடும் போக்குவரத்து நெரிசல் காணப்படுகிறது. தொடர்ந்து, 30 நிமிடங்கள் வரை ரயில்வே கேட் மூடப்படுவதால், இருபுறமும் சாலையில் 1 கி.மீ., துாரம் வரை வாகனங்கள் அணிவகுத்து நிற்கின்றன. இந்த நேரங்களில் அடிக்கடி ஆம்புலன்ஸ் வாகனங்கள் நெரிசலில் சிக்குகின்றன.கடந்த நவம்பர் மாதம் திருக்கச்சூர் பகுதியை சேர்ந்த வாலிபர் ஒருவருக்கு நெஞ்சு வலி ஏற்பட்டு, மருத்துவமனை அழைத்து சென்ற போது ரயில்வே கேட் மூடப்பட்டு இருந்ததால், அவர் செல்லும் வழியிலேயே உயிரிழந்தார் என்பது குறிப்பிடத்தக்கது.
இந்த போக்குவரத்து நெரிசல் காரணமாக வேலைக்கு செல்வோர், பள்ளி, கல்லுாரி மாணவ -- மாணவியர் குறித்த நேரத்தில் செல்ல முடிவதில்லை. தினமும் வாகன ஓட்டிகளிடையே அடிக்கடி வாக்குவாதம் ஏற்படுகிறது. ரயில்வே கேட் திறக்கும் வரை, 30 நிமிடங்கள்வாகனங்கள் காத்திருக்கும் நிலை இருந்து வருகிறது. மேம்பால பணிகள் முடிந்து திறக்கப்பட்டால் பொது மக்களுக்கு வசதியாக இருக்கும்.- எஸ்.ஸ்ரீகாந்த், 25,சிங்கபெருமாள் கோவில்.