செங்கை கல்லுாரியில் 668 பேர்

செங்கல்பட்டு ராஜேஸ்வேரி வேதாசலம் அரசு கலைக்கல்லுாரியில், முதலாமாண்டு சேர்க்கைக்கு, 990 இடங்கள் உள்ளன.இந்த இடங்களுக்கு செங்கல்பட்டு, காஞ்சிபுரம் மாவட்டங்களைச் சேர்ந்த 11,594 மாணவர்கள் விண்ணப்பித்தனர். இதைத்தொடர்ந்து, கல்லுாரி வளாகத்தில் முதல்கட்ட கலந்தாய்வு, கடந்த 4ம் தேதி துவங்கி, 9ம் தேதி முடிந்தது. இரண்டாம் கட்ட கலந்தாய்வு, கடந்த 10ம் தேதி துவங்கி, நேற்று முடிந்தது.இந்த கலந்தாய்வில், 668 மாணவர்கள் சேர்க்கப்பட்டு உள்ளனர். தொடர்ந்து மாணவர் சேர்க்கை தரவரிசை மற்றும் இன சுழற்சி அடிப்படையிலும், 'கட் - ஆப்' மதிப்பெண் அடிப்படையிலும், இம்மாதம் இறுதி வரை நடைபெறும் என, கல்லுாரி முதல்வர் சீனிவாசன் தெரிவித்து உள்ளார்.