செங்கல்பட்டு:செங்கல்பட்டு மாவட்டத்தில், இரண்டாம் கட்டமாக 11 வழித்தடங்களில், மினி பஸ் எனும் சிற்றுந்துகள் இயக்க, தனியாருக்கு அனுமதி ஆணையை, கலெக்டர் அருண்ராஜ், நேற்று வழங்கினார்.

தமிழகம் முழுதும், கடந்த 1999ல், நகர்ப்புறங்களில் இருந்து கிராமங்களுக்கு சிற்றுந்துகள் இயக்கப்பட்டன. அதன் பின், கடந்த சில ஆண்டுகளாக நிறுத்தப்பட்டன.

செங்கல்பட்டு மாவட்டத்தில், பெரும்பாலான கிராமங்களுக்கு அரசு பேருந்துகள் முறையாக இயக்கப்படாததால், கிராமவாசிகள் கடுமையாக பாதிக்கப்பட்டனர்.

இதையடுத்து, புதிய சிற்றுந்துகள் திட்டம் குறித்து, தமிழக அரசிதழில் கடந்தாண்டு ஜூன் 14ம் தேதி அறிவிப்பு வெளியிடப்பட்டது. சிற்றுந்துகள் இயக்குவதற்கு அனுமதி பெற விண்ணப்பங்கள் பெறுவதற்கு, மாவட்ட அரசிதழில் கடந்த பிப்., 12ம் தேதி அறிவிப்பு வெளியிடப்பட்டது.

அதன் பின், சிற்றுந்துகள் இயக்க, 120 பேர் விண்ணப்பித்த நிலையில், அதை பரிசீலனை செய்து செங்கல்பட்டு, தாம்பரம், சோழிங்கநல்லுார் ஆகிய பகுதியில் உள்ள வட்டார போக்குவரத்து அலுவலகங்களுக்கு உட்பட்ட 33 வழித்தடங்களுக்கு அனுமதி ஆணையை, கடந்த 18ம் தேதி கலெக்டர் வழங்கினார்.

இதைத்தொடர்ந்து, செங்கல்பட்டு கலெக்டர் கூட்ட அரங்கில் இரண்டாம் கட்டமாக, செங்கல்பட்டு வட்டார போக்குவரத்து அலுவலகத்திற்கு உட்பட்ட, 11 வழித்தடங்கள் மற்றும் ஐந்து புலம் பெயர் வழித்தடங்களுக்கு அனுமதி ஆணையை, கலெக்டர் அருண்ராஜ் நேற்று வழங்ககினார். செங்கல்பட்டு வட்டார போக்குவரத்து அலுவலர் இளங்கோ உள்ளிட்ட அதிகாரிகள் பங்கேற்றனர்.

வழித்தடங்கள் விபரம்

செங்கல்பட்டு வட்டார போக்குவரத்து அலுவலகம்

1. திருவடிசூலம் - பெரிய இரும்பேடு

2. திருப்போரூர் பி.டி,ஓ அலுவலகம் - திருப்போரூர் பேருந்து நிலையம்

3. கொட்டமேடு சாலை சந்திப்பு - முள்ளிப்பாக்கம் சாலை சந்திப்பு

4. புத்திரன்கோட்டை - கடப்பாக்கம்

5. மதுராந்தகம் பஸ் நிலையம் - வெளிக்காடு

6. பெரிய வெளிக்காடு கூட்டுரோடு - பவுஞ்சூர்

7. மதுராந்கம் பஸ் நிலையம் - கொளம்பாக்கம்

8. ஊனமலை கூட்டுரோடு - மதுார்

9. கொத்திமங்கலம் சாலை சந்திப்பு - சந்தனம்பட்டு

10. நல்லான்பிள்ளைபெற்றாள் - வெண்புருசம்

11. செங்கல்பட்டு கலெக்டர் அலுவலகம் - பழையனுார்