விவசாயிகள் மறியல்

திருக்கழுக்குன்றம் அடுத்த வழுவதுார் ஊராட்சியில் அடங்கிய காட்டூர் கிராமத்தில் செயல்படும் கொள்முதல் நிலையத்தில், 100க்கும் மேற்பட்ட விவசாயிகளிடமிருந்து நெல் கொள்முதல் செய்யப்பட்டுள்ளது.ஆனால், அதற்கான தொகையை, இரண்டு மாதங்களாகியும் விவசாயிகளின் வங்கிக்கணக்கில் வரவு வைக்காமல் உள்ளனர்.இதனால், விவசாயிகள் வாங்கிய கடனை அடைக்க முடியாமல், பல்வேறு வகையில் விரக்தியடைந்து உள்ளனர்.இதனால் நேற்று, அப்பகுதி விவசாயிகள் திருக்கழுக்குன்றம் - கருங்குழி சாலையில், காட்டூர் பேருந்து நிறுத்தம் அருகே சாலையில் அமர்ந்து, மறியலில் ஈடுபட்டனர்.தகவல் அறிந்த திருக்கழுக்குன்றம் போலீசார்சம்பவ இடத்திற்கு வந்து, விவசாயிகளிடம் பேச்சு நடத்தி, மறியலை கைவிட கூறினர். மேலும், விவசாயிகளுக்கு பணத்தை வழங்கவும்வழிவகை செய்வதாக போலீசார் உறுதிஅளித்தனர்.இதையடுத்து, விவசாயிகள் மறியலை கைவிட்டு கலைந்து சென்றனர்.