கலெக்டரிடம் மனு

குன்னப்பட்டு ஊராட்சி நிர்வாகம் சார்பில், பல்வேறு கோரிக்கைகளை வலியுறுத்தி, நேற்று கலெக்டரிடம் மனு அளிக்கப்பட்டுள்ளது.அந்த மனுவில் கூறியிருப்பதாவது:குன்னப்பட்டு- -- பஞ்சந்திருத்தி செல்லும் சாலை, கடந்த மிக்ஜாம் புயல் மழையால் சேதமானது. இதனால், அரசு பேருந்தும் வருவதில்லை. பள்ளி மாணவர்கள் பள்ளிக்கு நடந்து சென்று அவதிப்படுகின்றனர். சாலையை சீரமைக்க வேண்டும்.குன்னப்பட்டு இருளர் பகுதியில், 40 குடும்பங்கள் உள்ளன. இதில், 20 குடும்பங்களுக்கு மின்சார வசதி இல்லாமல், பள்ளி குழந்தைகள் சிரமப்பட்டு வருகின்றனர். மின் வசதி கிடைக்க வழி செய்ய வேண்டும்.குன்னப்பட்டு ஊராட்சியில் அமைந்துள்ள தனியார் நிறுவனங்களின் சி.எஸ்.ஆர்., நிதி மூலம் அடிப்படை வசதி ஏற்படுத்த வேண்டும். அதேபோல், நேரடி நெல் கொள்முதல் நிலையம் அமைக்கவும் நடவடிக்கை எடுக்க வேண்டும்.இவ்வாறு அதில் கூறப்பட்டுள்ளது.