சென்னை : சென்னை தேனாம்பேட்டையில் நடந்த மாநில அளவிலான யோகாசனம் போட்டியில், சிறுவர் - சிறுமியர் அசத்தினர்.

டெக்லாத்தன் மற்றும் ரியல் ஸ்போர்ட்ஸ் அகாடமி சார்பில், மாநில அளவிலான யோகாசனம் சாம்பியன்ஷிப் போட்டி, தேனாம்பேட்டையில், நேற்று முன்தினம் நடந்தது.

போட்டியில், சென்னை உட்பட பல்வேறு மாவட்டங்களை சேர்ந்த 100க்கும் மேற்பட்ட மாணவ - மாணவியர் பங்கேற்று திறமையை வெளிப்படுத்தினர். இதில், ஒவ்வொரு மாணவரும் தனித்தனியாக பல்வேறு யோகாசனங்களை செய்து காட்டினர்.

குறிப்பாக, சில மாணவர்கள் எட்டு ஆசனங்களை, 30 வினாடியில் செய்து அசத்தினர். போட்டியில் பங்கேற்ற சிறுவர்களுக்கும், வெற்றி பெற்றவர்களுக்கும் அகாடமி சார்பில் பரிசுகள் வழங்கப்பட்டன.