காஞ்சிபுரம், : தேசிய அளவிலான கிக் பாக்சிங் சாம்பியன்ஷிப் போட்டி, மேற்கு வங்க மாநிலம் சிலிகுரி மாவட்டத்தில் ஜூன் 10 - 14 வரை நடந்தது.

இதில், தமிழகம், ஆந்திரா, கேரளா, கர்நாடகா உள்ளிட்ட 27 மாநிலங்களைச் சேர்ந்த 600க்கு மேற்பட்ட வீரர்கள் பங்கேற்றனர்.

இப்போட்டியில் தமிழ்நாடு அமெச்சூர் கிக் பாக்சிங் சங்கம் சார்பில் சிறுவர் - சிறுமியர் என, 45 வீரர்கள் பங்கேற்றனர்.

இதில், காஞ்சிபுரம் மாவட்டம், ஒன்மேன் மார்ஷியல் ஆர்ட்ஸ் அகாடமியைச் சேர்ந்த தர்ஷன், 16, பேன் பிரைசன், 16, பிரகதீஷ்வரன், 16, ஆகியோர் லோ கிக்' பிரிவிலும், தரணிதரன், 17, வசீம் ரபீக் , 17, ஆகியோர், லைட் கான்டாக்ட் பிரிவிலும் தங்கம் வென்று, காஞ்சிபுரம் மாவட்டத்திற்கும், ஒட்டுமொத்த தமிழகத்திற்கும் பெருமை சேர்த்தனர்.

மேலும், முதல் முறையாக காஞ்சியில் இருந்து சென்ற 5 வீரர்களும், தேசிய அளவிலான கிக் பாக்சிங் சாம்பியன்ஷிப் ஜூனியர் பிரிவு போட்டியில் தங்கம் வென்றது குறிப்பிடத்தக்கது.

தங்க பதக்கம் வென்ற 5 வீரர்களும், 2025, ஜனவரியில் புதுடில்லியில் நடக்கவுள்ள சர்வதேச போட்டியில் பங்கேற்க உள்ளனர்.