மாமல்லபுரம், : மாமல்லபுரம் அடுத்த பட்டிபுலம், கிழக்கு கடற்கரை சாலை பகுதியில், நேற்று காலை, விற்பனைக்காக கஞ்சா கடத்தப்படுவதாக, மாமல்லபுரம் போலீசாருக்கு தகவல் கிடைத்தது.

அங்கு 10:45 மணிக்கு, போலீசார் சென்றபோது, கஞ்சா வைத்திருந்த வண்டலுார் அடுத்த கொளத்துாரைச் சேர்ந்த ஜெயக்குமார், 32, கண்ணாபுரத்தைச் சேர்ந்த விஜயகுமார், 25, ஆகியோர் பிடிபட்டனர்.

அவர்களை கைது செய்த போலீசார், 1,250 கிராம் கஞ்சாவை, அவர்களிடமிருந்து பறிமுதல் செய்தனர்.