புதுடில்லி: டபிள்யு.டி.ஏ., டென்னிஸ் தரவரிசையில் போலந்து வீராங்கனை ஸ்வியாடெக் 5வது இடத்துக்கு தள்ளப்பட்டார்.

டென்னிஸ் போட்டியில் சிறந்து விளங்கும் வீராங்கனைகளுக்கான தரவரிசை பட்டியலை டபிள்யு.டி.ஏ., வெளியிட்டது. ஒற்றையர் பிரிவில் போலந்தின் இகா ஸ்வியாடெக், 2வது இடத்தில் இருந்து 'நம்பர்-5' இடத்துக்கு தள்ளப்பட்டார். இவர், சமீபத்தில் முடிந்த இத்தாலி ஓபனில் 3வது சுற்றோடு திரும்பினார். பெலாரசின் அரினா சபலென்கா 'நம்பர்-1' இடத்தை தக்கவைத்துக் கொண்டார்.

இத்தாலி ஓபனில் கோப்பை வென்ற இத்தாலியின் ஜாஸ்மின் பவுலினி, 4வது இடத்துக்கு முன்னேறினார். பைனல் வரை சென்ற அமெரிக்காவின் கோகோ காப், 'நம்பர்-2' இடத்தை தட்டிச் சென்றார். மற்றொரு அமெரிக்க வீராங்கனை ஜெசிகா பெகுலா, 3வது இடத்தை கைப்பற்றினார்.

ஆண்களுக்கான ஏ.டி.பி., ஒற்றையர் பிரிவு தரவரிசையில் ஸ்பெயினின் கார்லஸ் அல்காரஸ், 3வது இடத்தில் இருந்து 'நம்பர்-2' இடத்துக்கு முன்னேறினார். இவர், சமீபத்தில் முடிந்த இத்தாலி ஓபனில் சாம்பியன் பட்டம் வென்றிருந்தார். பைனல் வரை சென்ற இத்தாலியின் ஜானிக் சின்னர் முதலிடத்தில் தொடர்கிறார். ஜெர்மனியின் அலெக்சாண்டர் ஸ்வெரேவ் 3வது இடத்துக்கு தள்ளப்பட்டார்.