மயாமி: மயாமி ஓபன் டென்னிஸ் இரட்டையர் பிரிவு காலிறுதிக்கு பாம்ப்ரி ஜோடி முன்னேறியது.

அமெரிக்காவில் ஏ.டி.பி., டென்னிஸ் தொடர் நடக்கிறது. ஆண்கள் இரட்டையர் இரண்டாவது சுற்றில் இந்தியாவின் யூகி பாம்ப்ரி, போர்ச்சுகலில் நுனோ போர்கஸ் ஜோடி, பிரிட்டனின் ஜமை முர்ரே, ஆடம் பாவ்லாசெக் ஜோடியை எதிர்கொண்டது.

'டைபிரேக்கர்' வரை சென்ற முதல் செட்டை 7-6 என கைப்பற்றிய பாம்ப்ரி ஜோடி, அடுத்த செட்டையும் 6-2 என வசப்படுத்தியது. ஒரு மணி நேரம், 22 நிமிடம் நடந்த போட்டியின் முடிவில் பாம்ப்ரி ஜோடி, 7-6, 6-2 என நேர் செட்டில் வென்று, காலிறுதிக்குள் நுழைந்தது.