பாசே: பிலிப்பைன்சில் நடக்கும் உலக வாலிபால் சாம்பியன்ஷிப் லீக் போட்டியில் பிலிப்பைன்ஸ், துனிசியா அணிகள் மோதின. இதில் துனிசியா அணி 3-0 (25-13, 25-17, 25-23) என்ற கணக்கில் வெற்றி பெற்றது.

கராகஸ்: 'பிபா' உலக கோப்பை கால்பந்து தகுதிச் சுற்றில் (தென் அமெரிக்கா) ஏமாற்றிய வெனிசுலா, பெரு அணிகள் பிரதான சுற்றுக்கான வாய்ப்பை இழந்தன. இதனையடுத்து இந்த அணிகளின் பயிற்சியாளர் பதவியில் இருந்து பெர்ணான்டோ பாடிஸ்டா (வெனிசுலா), ஆஸ்கார் இபனேஸ் (பெரு) நீக்கப்பட்டனர்.

லாசேன்: தடை செய்யப்பட்ட ஊக்கமருந்து ('அனாபோலிக் ஸ்டிராய்டு') பயன்படுத்தியது உறுதியானதால், 21 வயதான அமெரிக்க தடகள வீரர் (200 மீ., ஓட்டம்) எரியோன் நைட்டனுக்கு 4 ஆண்டு தடை விதிக்கப்பட்டது. இதனால் இவர், லாஸ் ஏஞ்சல்ஸ் ஒலிம்பிக்கில் (2028) பங்கேற்க முடியாது. உலக சாம்பியன்ஷிப் போட்டியில் 2 பதக்கம் வென்ற இவர், இரண்டு முறை ஒலிம்பிக்கில் பைனல் வரை சென்றார்.

* தென் கொரியாவில் நடந்த உலக வில்வித்தை சாம்பியன்ஷிப், 'ரிகர்வ்' பிரிவு 'ரவுண்டு-16' போட்டியில் இளம் இந்திய வீராங்கனை கதா (15 வயது), 0-6 என்ற கணக்கில் உலகின் 'நம்பர்-1' தென் கொரியாவின் லிம் சி-ஹியோனிடம் தோல்வியடைந்தார்.

* சீனாவில் நடக்கும் உலக கோப்பை துப்பாக்கி சுடுதல், 25 மீ., 'ரேபிட் பயர் பிஸ்டல்' பிரிவு தகுதிச் சுற்றில் 6வது இடம் பிடித்த இந்தியாவின் பவேஷ் ஷெகாவத், பைனலுக்கான வாய்ப்பை தக்கவைத்துக் கொண்டார்.

* சீனாவில் நடக்கும் பெண்களுக்கான ஆசிய கோப்பை ஹாக்கி 'சூப்பர்-4' போட்டியில் இன்று இந்தியா, ஜப்பான் அணிகள் மோதுகின்றன. இதில் வெற்றி பெறும் பட்சத்தில், இந்திய அணி பைனலுக்கு முன்னேறலாம்.