பெர்த்: பெர்த் கன்டெண்டர் டேபிள் டென்னிசில் இந்தியாவின் ஜெனிபர் சாம்பியன் ஆனார்.

சர்வதேச டேபிள் டென்னிஸ் கூட்டமைப்பு சார்பில், உலக கன்டெண்டர் சீரிஸ் தொடர் ஆஸ்திரேலியாவின் பெர்த்தில் நடந்தது. 17 வயதுக்குட்பட்ட பெண்களுக்கான ஒற்றையர் பிரிவு பைனலில் இந்தியாவின் ஜெனிபர் வர்கீஸ், ஆஸ்திரேலியாவின் கான்ஸ்டன்டினாவை சந்தித்தார்.

முதல் செட்டை 11-5 என வென்ற ஜெனிபர், அடுத்த செட்டை 11-6 என கைப்பற்றினார். மூன்றாவது செட்டில் கடும் போராட்டத்துக்குப் பின் 13-15 என இழந்தார். நான்காவது செட்டை 11-5 என எளிதாக வசப்படுத்தினார். முடிவில் ஜெனிபர் 3-1 என்ற (11-5, 11-6, 13-15, 11-5) கணக்கில் வெற்றி பெற்று சாம்பியன் ஆனார்.

19 வயது பிரிவு கலப்பு இரட்டையர் பிரிவு அரையிறுதியில் இந்தியாவின் ஜெனிபர், சுதான்ஷு ஜோடி 3-0 என்ற (14-12, 11-9, 12-10) நேர் செட்டில் ஆஸ்திரேலியாவின் சிட்னி வின், சியுக் டங் ஜோடியை வென்று, பைனலுக்குள் நுழைந்தது.