மும்பை: இந்தியன் ஓபன் ஸ்குவாஷ் காலிறுதிக்கு இந்தியாவின் அனாஹத் சிங், அபே சிங் முன்னேறினர்.

இந்தியாவில் ஏழு ஆண்டுக்குப் பின், சர்வதேச 'இந்தியன் ஓபன் ஸ்குவாஷ்' மும்பையில் நடக்கிறது. பெண்கள் ஒற்றையர் இரண்டாவது சுற்றில் இத்தொடரின் 'நம்பர்-3' வீராங்கனை இந்தியாவின் அனாஹத் சிங், ஸ்பெயினின் கிறிஸ்டினா கோமசை சந்தித்தார். இதில் அனாஹத் சிங் 3-1 (11-5, 9-11, 11-5, 11-2) என வெற்றி பெற்று காலிறுதிக்கு முன்னேறினார்.

மற்றொரு போட்டியில் இந்தியாவின் ஜோஷ்னா சின்னப்பா, 3-0 என (11-1, 11-7, 11-8) போர்ச்சுகலில் சோபியாவை வீழ்த்தி, காலிறுதிக்குள் நுழைந்தார். இத்தொடரின் 'நம்பர்-1' சக வீராங்கனை ஆகான்ஷா, 3-1 என (6-11, 11-8, 11-7, 11-4) சக வீராங்கனை தான்வியை சாய்த்தார். ஆண்கள் ஒற்றையர் பிரிவு இரண்டாவது சுற்றில் இந்தியாவின் அபே சிங், 3-0 என (11-5, 11-8, 11-7) பிரான்சின் மெல்வினை சாய்த்தார்.