யோகோஹமா: ஜப்பான் ஓபன் ஸ்குவாஷ் தொடரில் சாம்பியன் ஆனார் இந்தியாவின் ஜோஷ்னா.

ஜப்பானில், சர்வதேச ஸ்குவாஷ் சாலஞ்சர் பி.எஸ்.ஏ., தொடர் நடந்தது. பெண்கள் ஒற்றையர் பிரிவு பைனலில் உலகத் தரவரிசையில் 117 வது இடத்திலுள்ள இந்தியாவின் 39 வயது ஜோஷ்னா சின்னப்பா, இத்தொடரின் 'நம்பர்-3' அந்தஸ்து பெற்ற எகிப்தின் ஹயா அலியை எதிர்கொண்டார்.

முதல் செட்டை 11-5 என கைப்பற்றிய ஜோஷ்னா, அடுத்த செட்டையும் 11-9 என வசப்படுத்தினார். மூன்றாவது செட்டை ஹயா அலி (11-5) வென்றார். பின் சுதாரித்த ஜோஷ்னா, 4வது செட்டை 11-8 என கைப்பற்றினார்.

38 நிமிடம் நடந்த போட்டியின் முடிவில் ஜோஷ்னா 3-1 (11-5, 11-19, 5-11, 11-8) என்ற கணக்கில் வெற்றி பெற்று சாம்பியன் ஆனார்.

சர்வதேச பி.எஸ்.ஏ., தொடரில் பத்தாண்டுக்குப் பின் கோப்பை வென்றார் ஜோஷ்னா. இதற்கு முன் 2015ல் என்.எஸ்.சி.ஐ., ஓபன் (இந்தியா) தொடரில் கோப்பை கைப்பற்றி இருந்தார். சர்வதேச அரங்கில் ஜோஷானா வென்ற 11வது கோப்பை இது.