ஆன்ட்வெர்ப்: ஜூனியர் ஹாக்கி போட்டியில் இந்திய பெண்கள் அணி 3-2 என பெல்ஜியத்தை வீழ்த்தியது.

சிலியில், வரும் டிச. 1-13ல் ஜூனியர் பெண்களுக்கான உலக கோப்பை ஹாக்கி 11வது சீசன் நடக்கவுள்ளது. இதற்கு தயாராகும் விதமாக பெல்ஜியம் சென்றுள்ள ஜூனியர் இந்திய பெண்கள் அணி, பெல்ஜியம் (ஜூன் 8, 10, 12), ஆஸ்திரேலியா (ஜூன் 14), நெதர்லாந்து (ஜூன் 17) அணிகளுடன் 5 போட்டிகளில் விளையாடுகிறது.

முதல் போட்டியில் இந்தியா, பெல்ஜியம் அணிகள் மோதின. அபாரமாக ஆடிய இந்திய அணி 3-2 என்ற கோல் கணக்கில் வெற்றி பெற்றது. இந்திய அணிக்கு கீதா யாதவ் (11வது நிமிடம்), சோனம் (40வது), லால்தான்ட்லுவாங்கி (45வது) தலா ஒரு கோல் அடித்து கைகொடுத்தனர். பெல்ஜியம் சார்பில் மேரி கோயன்ஸ் (25வது நிமிடம்), லுாயிஸ் வான் ஹெக்கே (34வது) தலா ஒரு கோல் அடித்தனர்.