ஸ்டாக்ஹோம்: சுவீடனை சேர்ந்த 'போல் வால்ட்' வீரர் டுப்ளான்டிஸ் 25. டோக்கியோ (2021), பாரிஸ் ஒலிம்பிக்கில் (2024) தங்கம் வென்றார். இரு முறை உலக சாம்பியன்ஷிப்பில் (2022, 2023) தங்கம் கைப்பற்றினார். நேற்று சுவீடனில் நடந்த டைமண்ட் லீக் தடகளத்தில் பங்கேற்றார்.

'போல் வால்ட்' போட்டியில், 6.00 மீ., தாவி, தங்கம் வென்றார். ஆஸ்திரேலியாவின் கர்டிஸ் மார்ஸ்சால் (5.90 மீ., ), நெதர்லாந்தின் மென்னோ விலுான் (5.80 மீ.,) வெள்ளி, வெண்கலம் கைப்பற்றினர்.

பின் சாதனை முயற்சியாக 6.28 மீ., உயரம் தாவி அசத்தினார். இதையடுத்து 'போல் வால்ட்' போட்டியில் 12வது முறையாக உலக சாதனை படைத்தார். இதற்கு முன் பிரான்சில் கடந்த மார்ச் மாதம் நடந்த உலக தடகள உள்ளரங்கு போட்டியில் 6.27 மீ., உயரம் தாவி இருந்தார்.