சமர்கந்த்: கிராண்ட் சுவிஸ் தொடரின் 10 வது சுற்றில் வைஷாலி வெற்றி பெற்றார்.

உஸ்பெகிஸ்தானில் 'கிராண்ட் சுவிஸ்' செஸ் தொடர் நடக்கிறது. இதில் 'டாப்-2' இடம் பெறும் வீரர், வீராங்கனைகள், 2026ல் நடக்கவுள்ள 'கேண்டிடேட்ஸ்' தொடரில் பங்கேற்க தகுதி பெறலாம்.

நேற்று 10 வது சுற்று போட்டிகள் நடந்தன. பெண்கள் பிரிவில் இந்தியாவின் வைஷாலி, உக்ரைனின் மரியா முஜுசக்கை எதிர்கொண்டார். வெள்ளை நிற காய்களுடன் விளையாடினார் வைஷாலி. துவக்கத்தில் பின் தங்கிய இவர், 36 வது நகர்த்தலில் முந்தினார். பின் 42வது நகர்த்தலில் வெற்றி பெற்றார். 10 சுற்று முடிவில் 7.5 புள்ளியுடன் வைஷாலி, முதலிடத்துக்கு முன்னேறினார்.

ஓபன் பிரிவில் உலக சாம்பியன் இந்தியாவின் குகேஷ், ஆர்மீனியாவின் கேபிரியலை வீழ்த்தினார். இந்தியாவின் பிரக்ஞானந்தா, அமெரிக்காவின் ஹன்ஸ்சிடம் வீழ்ந்தார்.

நிஹால் சரின், அர்ஜுன், பிரனவ் தங்களது 8வது சுற்று போட்டியில் 'டிரா' செய்தனர். 8 சுற்று முடிவில் ஜெர்மனியின் மத்தியாஸ் (6.0), நிஹால் சரின் (6.0) முதல் இரு இடத்தில் உள்ளனர்.