துபாய்: ஐ.சி.சி., 'டி-20' பவுலர் தரவரிசையில் இந்தியாவின் பிஷ்னோய், அர்ஷ்தீப் சிங் முன்னேற்றம் கண்டனர்.

சர்வதேச 'டி-20' போட்டியில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. பவுலர் தரவரிசையில் இந்தியாவின் வருண் சக்ரவர்த்தி, 706 புள்ளிகளுடன் 4வது இடத்தில் நீடிக்கிறார். மற்ற இந்திய பவுலர்களான ரவி பிஷ்னோய் (674 புள்ளி), அர்ஷ்தீப் சிங் (653) முறையே 6, 9வது இடத்துக்கு முன்னேறினர்.

பேட்டர் தரவரிசையில் இந்தியாவின் அபிஷேக் சர்மா (829), திலக் வர்மா (804) முதலிரண்டு இடத்தை தக்கவைத்துக் கொண்டனர். இந்திய கேப்டன் சூர்யகுமார் யாதவ் (739) 6வது இடத்தில் நீடிக்கிறார். இந்திய துவக்க வீரர் யாஷஸ்வி ஜெய்ஸ்வால் (673) 11வது இடத்துக்கு தள்ளப்பட்டார். மற்ற இந்திய வீரர்களான ருதுராஜ் கெய்க்வாட் (589), சஞ்சு சாம்சன் (566) முறையே 26, 34வது இடத்துக்கு முன்னேறினர்.

'ஆல்-ரவுண்டர்' தரவரிசையில் இந்தியாவின் ஹர்திக் பாண்ட்யா (252) 'நம்பர்-1' இடத்தில் தொடர்கிறார்.