புதுச்சேரி : பாண்டிச்சேரி ரவுண்ட் டேபிள் 70 சார்பில், 70 மாணவர்களுக்கு விருக் ஷம் ஸ்காலர்ஷிப் வழங்கப்பட்டது.

பாண்டிச்சேரி ரவுண்ட் டேபிள் 70 சார்பில் 2ம் ஆண்டு விருக் ஷம் ஸ்காலர்ஷிப் வழங்கும் நிகழ்ச்சி சுகன்யா கன்வென்ஷன் சென்டரில் நடந்தது.

விழாவில், பெற்றோர்களை இழந்த 70 மாணவர்களுக்கு தலா ரூ. 10 ஆயிரம் ஸ்காலர்ஷிப் வழங்கப்பட்டது.

இதில், கல்வித்துறையின் சமகரா சிக் ஷா திட்ட இயக்குநர் எழில்கல்பனா, ரவுண்ட் டேபிள் ஏரியா 2 சேர்மன் குணால் சவுத்ரி, செயலாளர் திலீப் அனிரூத், பாண்டிச்சேரி ரவுண்ட் டேபிள் சார்ட்டர் சேர்மன் நாகராஜன் உள்ளிட்ட பலர் கலந்து கொண்டனர்.

ஏற்பாடுகளை பாண்டிச்சேரி ரவுண்ட் டேபிள் 70 சேர்மன் சதீஷ்குமார், செயலாளர் கார்த்திக், பொருளாளர் புருஷோத்தமன், துணைத் தலைவர் அசோக் ஆகியோர் செய்திருந்தனர்.