புதுச்சேரி : புதுச்சேரியில் இருந்து டில்லிக்கு இன்று காலை புறப்பட வேண்டிய அதி விரைவு ரயில், இணைப்பு ரயில் தாமதம் காரணமாக மாலையில் புறப்பட உள்ளதாக தெரிவிக்கப்பட்டுள்ளது.

தெற்கு ரயில்வே நிர்வாகம் வெளியிட்டுள்ள செய்திக்குறிப்பு:

புதுச்சேரியில் இருந்து டில்லிக்கு வாரந்தோறும், புதன் கிழமையன்று அதி விரைவு ரயில் (எண்:22403) காலை 9:55 மணிக்கு இயக்கப்பட்டு வருகிறது.

தற்போது, டில்லியில் இருந்து, புதுச்சேரிக்கு வர வேண்டிய இணைப்பு ரயில் பனி மூட்டம் காரணமாக புதுச்சேரிக்கு வருவதில் காலதாமதம் ஏற்பட்டுள்ளது.

அதனால், இன்று காலை வழக்கம் போல, 9:55 மணிக்கு புறப்பட வேண்டிய அதி விரைவு ரயில், மாலை 4;35 மணிக்கு புறப்பட உள்ளது.

அதனால் பயணிகள் குறிப்பிட்ட நேரத்தில் பயணத்தை துவக்க அறிவுறுத்தப்பட்டுள்ளனர்.