வில்லியனுார்: வி.மணவெளி சுபிக் ஷா மேல்நிலைப் பள்ளி பத்தாம் வகுப்பு பொதுத்தேர்வில் 100 சதவீதம் தேர்ச்சி பெற்று சாதனை படைத்துள்ளது.

வி.மணவெளி, திரிவேணி நகர் சுபிக் ஷா மேல்நிலைப் பள்ளியில் பத்தாம் வகுப்பு பொது தேர்வு எழுதிய 50 மாணவர்களும் தேர்ச்சி பெற்றனர். மாணவியர் சுஷித்தா, மெர்லைன் மரியா ஆகியோர் 466 மதிப்பெண்கள் பெற்று பள்ளியில் முதலிடம் பிடித்தனர். மாணவர்கள் அபிநயா, ரிஷிகாந்த், புனிதா ஆகியோர் 465 மதிப்பெண் பெற்று இரண்டாமிடம், மாணவி அக் ஷயாஸ்ரீ 453 மதிப்பெண் பெற்று மூன்றாம் இடம் பிடித்தனர். 21 பேர், 400 மதிப்பெண்களுக்கு மேல் எடுத்தனர்.

பிளஸ் 1ல் முதல் முறையாக பொதுத் தேர்வை சந்தித்த அனைவரும் தேர்ச்சி பெற்றனர். மாணவி ஜெயப்பிரியா 576 மதிப்பெண் பெற்று பள்ளியில் முதலிடம், மாணவர் ஷரண் 495 மதிப்பெண் பெற்று இரண்டாமிடம், மாணவி இந்துஜா 491 மதிப்பெண் பெற்று மூன்றாமிடம் பிடித்தார்.

அவர்களை பள்ளி முதல்வர் உமாமகேஸ்வரி பாராட்டினர். பள்ளி நிறுவனர், ஆசிரியர்கள், பெற்றோர்கள் உடனிருந்தனர்.

பள்ளி முதல்வர் உமாமகேஸ்வரி கூறுகையில், 'எங்கள் பள்ளி பத்ததம் வகுப்பில் தொடர்ந்து 100 சதவீதம் தேர்ச்சி பெற்று சாதனை படைத்து வருகிறோம். தொடர் தேர்ச்சிக்கு பாடுபட்ட ஆசிரியர்கள், பெற்றோர்கள், மாணவர்களுக்கு நன்றி' என்றார்.