அரியாங்குப்பம்: முருங்கப்பாக்கம் தீரர் சத்தியமூர்த்தி அரசு மேல்நிலைப் பள்ளியில் மாணவர்களுக்கு இலவச சைக்கிளை பாஸ்கர் எம்.எல்.ஏ., வழங்கினார்.

சமுக நலத்துறை மூலம் அரசு பள்ளி மாணவர்களுக்கு இலவச சைக்கிள் வழங்கப்பட்டு வருகிறது. அதன் ஒரு பகுதியாக, முருங்கப்பாக்கம் தீரர் சத்தியமூர்த்தி அரசு மேல்நிலைப் பள்ளியில் இலவச சைக்கிள் வழங்கும் நிகழ்ச்சி நடந்தது.

ஆசிரியர் விஜயா வரவேற்றார். பள்ளி துணை முதல்வர் சீதா தலைமை தாங்கினார். சிறப்பு விருந்தினராக பாஸ்கர் எம்.எல்.ஏ., பங்கேற்று, 73 மாணவர்களுக்கு சைக்கிள்கள் வழங்கினார். தலைமை ஆசிரியர் சுபாங்கி, ஆசிரியர்கள் தமிழ்கொடி, அமுதா உட்பட பலர் கலந்து கொண்டனர்.