புதுச்சேரி: ரெட்டியார்பாளையம் பிரசிடென்சி மேல்நிலைப்பள்ளி 10ம் வகுப்பு மற்றும் பிளஸ் 1 தேர்வில் 100 சதவீதம் தேர்ச்சி பெற்று சாதனை புரிந்துள்ளது.

10ம் வகுப்பு தேர்வில் மாணவர் கன்சன் வியானி 493 மதிப்பெண்கள் பெற்று முதலிடமும், மாணவி டேனியா கேத்தரின் 492, மாணவன் சந்தீப் 487 மதிப்பெண்கள் பெற்று 2 மற்றும் 3ம் இடமும் பிடித்து சாதனை படைத்தனர். பல மாணவர்கள் 450 மதிப்பெண்களுக்கு மேல் பெற்றுள்ளனர்.

பிளஸ் 1 தேர்வில் மாணவி ஹரிணி 591 மதிப்பெண்கள் பெற்று முதலிடம், மாணவி கிருத்திகா 583, மாணவி திவ்யதர்ஷினி 575 மதிப்பெண்கள் பெற்று முறையே 2 மற்றும் 3ம் இடம் பெற்றனர்.

இரண்டு பொது தேர்விலும் பல மாணவர்கள் 100க்கு 100 மதிப்பெண்கள் பெற்றுள்ளனர். பள்ளியானது பிளஸ் 2 தேர்விலும் 100 சதவீதம் தேர்ச்சியை பெற்று சாதனை படைத்தது.

வெற்றி பெற்ற மாணவ, மாணவியரை பள்ளியின் தாளாளர் கிறிஸ்டி ராஜ், பள்ளி முதல்வர் ஜெயந்தி ராணி, துணை முதல்வர் ஆரோக்கியதாஸ் ஆகியோர் சால்வை அணிவித்து பாராட்டினர்.