திருபுவனை; செல்லிப்பட்டில் ரூ. 46.20 லட்சம் செலவில் சாலைகள் மேம்படுத்தும் பணியை அங்காளன் எம்.எல்.ஏ., தொடங்கி வைத்தார்.

மண்ணாடிப்பட்டு கொம்யூன் பஞ்சாயத்து நிதியில், திருபுவனை தொகுதி, செல்லிப்பட்டு கிராமத்தில் 46.20 லட்சம் ரூபாயில் ரெட்டியார் நகரில் உட்புற சாலைகளை மேம்படுத்துதல் மற்றும் பிள்ளையார் கோவில் வீதியில் சாலையை மேம்படுத்தும் பணிக்கான பூமி பூஜை நடந்தது.

அங்காளன் எம்.எல்.ஏ., தலைமை தாங்கி, பூமி பூஜை செய்து பணிகளை தொடங்கி வைத்தார். மண்ணாடிப்பட்டு கொம்யூன் பஞ்சாயத்து ஆணையர் எழில்ராஜன் முன்னிலை வகித்தார். உதவிப் பொறியாளர் மல்லிகார்ஜுனன், இளநிலை பொறியாளர் மனோகரன், ஒப்பந்ததாரர்கள் தனசேகர், பழனிவேல் உள்பட பலர் கலந்து கொண்டனர்.