நெட்டப்பாக்கம்: கரிக்கலாம்பாக்கம் காலனி நுழைவு வாயில் அருகில் கடந்த சில ஆண்டுகளுக்கு முன்பு ஹைமாஸ் விளக்கு அமைக்கப்பட்டது. இந்த ஹைமாஸ் கம்பம் பராமரிப்பின்றி பழுதானது. இதனிடையே, கம்பத்தின் கீழ் பகுதி துரு பிடித்து நாளுக்கு நாள் வலுவிழந்தது. அதனை அப்புறப்படுத்திட வேண்டும் என அப்பகுதி மக்கள் கோரிக்கை விடுத்து வந்தனர்.

நேற்று முன்தினம் இரவு ஹைமாஸ் கம்பம் அடிப்பகுதி உடைந்து அருகில் உள்ள காலி மனையில் விழுந்தது. இரவு நேரம் என்பதால், யாருக்கும் பாதிப்பில்லை.