அரியாங்குப்பம்,: மணவெளி அடுத்த சிவலிங்கபுரம் திரிபுரசுந்தரி சிவசைலநாதர் கோவில் விழாவில், ஏராளமான பக்தர்கள் தேரை வடம் பிடித்து இழுத்தனர்.

மணவெளி அடுத்த சிவலிங்கபுரத்தில் திரிபுரசுந்தரி சிவசைலநாதர் கோவில் உள்ளது. இக்கோவிலில் 60ம் ஆண்டு பிரம்மோற்சவ விழா நடந்து வருகிறது. முக்கிய நிகழ்வான நேற்று காலை தேரோட்டம் நடந்தது.

சிறப்பு விருந்தினர்கள் சபாநாயகர் செல்வம், பாஸ்கர் எம்.எல்.ஏ., உட்பட திரளான பக்தர்கள் தேரை வடம் பிடித்து இழுத்தனர்.

பாதுகாப்பு அதிகாரி ஜெயராமன், கோவில் நிர்வாகிகள் நிகழ்ச்சி ஏற்பாடுகளை செய்திருந்தனர்.