வில்லியனுார்: வில்லியனுார் சங்கர்ஸ் வித்யாலயா பள்ளி மாணவர்களுக்கு 'தினமலர்- பட்டம்' இதழ் வழங்கப்பட்டது.

மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி தற்போதுள்ள தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.

வில்லியனுார் சங்கர்ஸ் வித்யாலயா ஆங்கில மேல்நிலைப் பள்ளி மாணவர்களுக்கு பட்டம் இதழ் வழங்கும் நிகழ்ச்சி பள்ளி வளாகத்தில் நடந்தது. நிகழ்ச்சிக்கு தாளாளர் சத்தியகுமாரி தலைமை தாங்கினார். பள்ளி முதல்வர் சுகந்தி முன்னிலை வகித்தார். பெற்றோர் ஆசிரியர் சங்க ஒருங்கிணைப்பாளர் சரஸ்வதி, மாணவர்களுக்கு பட்டம் இதழை வழங்கினார்.