புதுச்சேரி, : இரண்டு புதுச்சேரி ரயில்களின் பகுதி நேர சேவை, இன்ஜினியரிங் பணிகள் காரணமாக ரத்து செய்யப்பட்டுள்ளதாக அறிவிக்கப்பட்டுள்ளது.

விழுப்புரம் மற்றும் சின்னபாபுசமுத்திரம் இடையே, இன்ஜினியரிங் பணிகள் நடந்து வருகின்றன. அதனால், திருப்பதியில் இருந்து அதிகாலை 4:00 மணிக்கு நாள்தோறும் புறப்படும், திருப்பதி - புதுச்சேரி ( எண்: 16111) முன் பதிவில்லாத மெமு விரைவு ரயில், அங்கிருந்து குறிப்பிட்ட நேரத்தில் புறப்பட்டு, விழுப்புரம் வரை மட்டுமே செல்லும்.

அதற்கு பிறகு, விழுப்புரத்தில் இருந்து, புதுச்சேரிக்கு சேவை ரத்து செய்யப்பட்டுள்ளது.

அதேபோல, புதுச்சேரியில் இருந்து மாலை 4:00 மணிக்கு புறப்படும், புதுச்சேரி - சென்னை எழும்பூர் (எண்: 06020) முன்பதிவில்லா மெமு ரயில் சேவை, விழுப்புரம் வரை ரத்து செய்யப்பட்டுள்ளது. இந்த ரயில், மாலை 4:45 மணிக்கு விழுப்புரத்தில் இருந்து புறப்பட்டு, சென்னை எழும்பூரை சென்றடையும்.

இந்த தகவலை, தென்னக ரயில்வே திருச்சி கோட்டம் தெரிவித்துள்ளது.