முதல்வருடன் சந்திப்பு ஏன்?

வைகோவுக்கு மீண்டும் ராஜ்யசபா எம்.பி., பதவி வழங்கப்படாததால், தி.மு.க., -- ம.தி.மு.க., உறவில் சிக்கல் ஏற்பட்டுள்ளதாக செய்திகள் வெளியாகின. மாநிலக் கட்சி அந்தஸ்து பெற வேண்டுமானால், வரும் சட்டசபை தேர்தலில் குறைந்தது, 12 தொகுதிகளில் போட்டியிட விரும்புவதாக துரை வைகோ தெரிவித்திருந்தார். இதனால், பா.ஜ., கூட்டணிக்கு செல்லவும், மகன் துரையை மத்திய இணை அமைச்சராக்கவும், வைகோ முடிவு செய்து விட்டதாக செய்தி வெளியானது. இந்த சூழ்நிலையில், முதல்வர் ஸ்டாலினை நேரில் சந்தித்து, அரை மணி நேரம் பேசியிருக்கிறார் வைகோ.