![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
மென்மையானவர் விஜய்... நல்ல குடும்பஸ்தர் அஜித்: மனம் திறந்த தமன்னா
மார் 15, 2026
Advertisement
தமிழ், தெலுங்கு, ஹிந்தி மொழி படங்களில் நடித்து வரும் நடிகை தமன்னா, சென்னையில் உள்ள ஒரு தனியார் கல்லூரியில் நடைபெற்ற நிகழ்ச்சியில் பங்கேற்றார். அப்போது அவரிடம் நடிகர்கள் அஜித்குமார், விஜய் குறித்து கருத்து கேட்கப்பட்டது. அப்போது தமன்னா பேசியதாவது: இளம் வயதிலேயே சினிமாவிற்கு வந்துவிட்டதால் எனக்கு கல்லூரி அனுபவமே கிடைக்கவில்லை. தற்போது சுந்தர் சி இயக்கத்தில் விஷால் நடிக்கும் "புருஷன்" படத்தில் நடித்து வருகிறேன். படப்பிடிப்புக்கு இடையில் தான் இந்நிகழ்ச்சியில் பங்கேற்றுள்ளேன்.
நடிகர் விஜய் மிகவும் மென்மையான, எளிமையான மனிதர். நடனம் ஆடுவதில் அவருக்கும் தெலுங்கு நடிகர் ஜூனியர் என்டிஆர்.,க்கும் தனி திறமை இருக்கிறது. நடனத்தில் அவர்கள் இருவரும் சிறந்தவர்கள் என்று நினைக்கிறேன். அஜித் உடன் "வீரம்" படத்தில் நடித்தபோது அஜித் எனக்கு இட்லி சுட்டுக்கொடுத்தார். நல்ல மனம் கொண்டவர், எளிய மனிதர். குடும்பத்தை மதிக்கும் நல்ல குடும்பஸ்தர். இவ்வாறு தமன்னா பேசினார்.
வாசகர்கள் கருத்துகள்
முதல் நபராக கருத்து தெரிவியுங்கள்!