ரூ.40 கோடி பட்ஜெட்டில் உருவாகும் சூரியின் படம்

நடிகர் சூரி கதாநாயகனாக நடித்து வெளிவந்த விடுதலை படத்தின் வெற்றிக்குப் பிறகு தற்போது, துரை செந்தில்குமார் இயக்கத்தில் "கருடன்" என்கிற முழு நீள ஆக்ஷன் படத்தில் நடித்து வருகிறார். வெற்றிமாறன் கதையில் இந்த படம் உருவாகிறது. இதன் படப்பிடிப்பு கும்பகோணம், தேனி ஆகிய பகுதிகளில் நடைபெற்று வருகிறது. இதில் சசிகுமார், சமுத்திரக்கனி, உன்னி முகுந்தன், ரேவதி ஷர்மா உள்ளிட்டோர் முக்கிய கதாபாத்திரங்களில் நடிக்கின்றனர். இப்படத்தின் பட்ஜெட் குறித்து தகவல் வெளியாகியுள்ளது அதன்படி, இந்த படம் ரூ. 40 கோடி பட்ஜெட்டில் உருவாகி வருகிறது என்கிறார்கள். இது ஜெயம் ரவி, விஷால், ஆர்யா, கார்த்தி போன்ற நடிகர்களின் படத்திற்கு இணையான பட்ஜெட் என்பது குறிப்பிடத்தக்கது.