வதந்திகளுக்கு பதிலளித்து கொண்டே இருக்க முடியாது - பூஜா ஹெக்டே

நடிகை பூஜா ஹெக்டே தெலுங்கு, தமிழ், ஹிந்தி போன்ற மொழிகளில் கதாநாயகியாக நடித்து வருகிறார். இப்போது இந்தியில் நடிகர் சல்மான் கானுக்கு ஜோடியாக கிஸி கி பாய் கிஸி கி ஜான் என்ற படத்தில் நடித்துள்ளார். சமீபத்தில் அவர் அளித்த பேட்டியில் கூறியது; "எனக்கு தயாரிப்பாளர் ஒருவர் ரூ.2 கோடிக்கு கார் பரிசாக கொடுத்ததாகவும், அந்த காரிலேயே நான் படப்பிடிப்புகளுக்கு செல்கிறேன் என தகவல் பரவியது. என்னை பற்றி தொடர்ந்து தவறான வதந்திகள் பரவி வருகிறது. நான் தயாரிப்பாளரிடம் இருந்து காரை பரிசாக பெற்றேன் என்பதும் வதந்திதான். இதுகுறித்து கூட என் பெற்றோர் என்னிடம் காரை பரிசாக வாங்கியது உண்மையா என கேட்டனர். என்னைப்பற்றி தொடர்ந்து வரும் வதந்திகளுக்கு என்னால் விளக்கம் அளித்துக் கொண்டே இருக்க முடியாது"" என கூறியுள்ளார்.