வடிவேலுவின் நாய் சேகர் ரிட்டர்ன்ஸ் எப்போது ரிலீஸ்?

இம்சை அரசன் 24ம் புலிகேசி படத்தில் நடிக்கத் தொடங்கியபோது ஏற்பட்ட பிரச்சனைக்கு பிறகு சில ஆண்டுகளாக எந்த படத்திலும் நடிக்க முடியாத அளவுக்கு வடிவேலுவுக்கு ரெட் கார்டு போட்டிருந்தனர். அதன் பிறகு நடந்த பேச்சுவார்த்தைக்கு பிறகு அவர் மீதான ரெட்கார்ட் தடை நீக்கப்பட்டது. அதையடுத்து சுராஜ் இயக்கத்தில் நாய் சேகர் ரிட்டர்ன்ஸ் என்ற படத்தில் நாயகனாக நடித்துள்ளார் வடிவேலு.

லைகா நிறுவனம் இந்த படத்தை தயாரித்துள்ளது. இப்படத்தில் நடித்து முடித்துவிட்ட வடிவேலு தற்போது மாமன்னன், சந்திரமுகி 2 போன்ற படங்களில் நடித்துக் கொண்டிருக்கிறார். இந்த நிலையில் தற்போது நாய் சேகர் ரிட்டர்ன்ஸ் படத்தின் இறுதிகட்டப் பணிகள் நடைபெறும் நிலையில் வருகிற நவம்பர் மாதம் இப்படம் திரைக்கு வர இருப்பதாக தகவல்கள் வெளியாகி உள்ளன. அதோடு தியேட்டர் ரிலீஸ்க்கு பிறகு இப்படம் ஓடிடி தளத்தில் வெளியாக இருப்பதாகவும் தகவல்கள் வெளியாகி உள்ளன.