இட்டாநகர்: நாட்டின் மிகப்பெரிய கார்பன் இருப்பு கொண்ட மாநிலம் என்ற பெருமை பெற்றுள்ளது என்று அருணாச்சல பிரதேச முதல்வர் பெமா காண்டு கூறினார்.

எல்லைப்புற மாநிலம் ஆன அருணாச்சல பிரதேசம் 79 சதவீத வனப்பகுதியை கொண்டது ஆகும். மேலும் இது மிகப்பெரிய கார்பன் இருப்பு கொண்ட பெருமையும் பெற்றுள்ளது.

இது தொடர்பாக, முதல்வர் பெமா காண்டு வெளியிட்ட அறிக்கை:

இந்தியாவில் மிகப்பெரிய கார்பன் இருப்பு கொண்ட மாநிலமாக அருணாச்சல பிரதேசம் விளங்குகிறது.

காலநிலை மாற்றத்தை எதிர்த்துப் போராடுவதிலும், நிகர-பூஜ்ஜிய உமிழ்வை நோக்கி நாட்டின் பயணத்திற்கு உதவுவதிலும் முக்கிய பங்கு வகிக்கும் ஒரு சுற்றுச்சூழல் சக்தி மையமாக நம் மாநிலம் உள்ளது

தனது நிர்வாகத்தின் 'பெமா 3.0 - சீர்திருத்தங்கள் மற்றும் வளர்ச்சி ஆண்டு' பிரச்சாரத்தின் ஒரு பகுதியாக, இந்தியாவின் மொத்த கார்பன் பிரித்தெடுப்பில் அருணாச்சலப் பிரதேசம் குறிப்பிடத்தக்க வகையில் 14.38 சதவீத பங்களிப்பை வழங்குகிறது.

79 சதவீத வனப்பகுதியைக் கொண்ட இந்த மாநிலம் தற்போது 1,021 மில்லியன் டன் கார்பன் இருப்பைக் கொண்டுள்ளது, இது நாட்டிலேயே மிக உயர்ந்தது.

இவ்வாறு பெமா காண்டு அறிக்கையில் கூறியுள்ளார்.