மகிழ்ச்சியான தருணம்

காஷ்மீரில் பூஞ்ச் மாவட்டத்தில் மக்கள் ஒருவருக்கொருவர் கட்டிப்பிடித்து தனது அன்பை வெளிப்படுத்தினார். காஷ்மீரில் இந்தியா-பாகிஸ்தான் போர் நிறுத்தம் குறித்து உள்ளூர்வாசிகள் கூறியதாவது: இன்று போர் நிறுத்தம் பற்றி கேள்விப்பட்டோம், அதை நாங்கள் வரவேற்கிறோம். இது இரு நாடுகளும் எடுத்த ஒரு நல்ல முடிவு, இன்று அமைதி மற்றும் மகிழ்ச்சியின் தருணம். போர் நிறுத்தத்தை நாங்கள் இனிப்பு வழங்கி கொண்டாடி மகிழ்கிறோம்.

தெளிவாக தெரியும் வெற்றி!

ராஜஸ்தான் மாநிலம் ஜெய்சால்மாரை சேர்ந்த உள்ளூர்வாசிகள் கூறியதாவது:இந்திய ராணுவம் பாகிஸ்தானின் தீய செயல்களை அழித்ததால் வெற்றி தெளிவாகத் தெரிகிறது.

இந்தியா-பாகிஸ்தான் இடையே போர் நிறுத்த அறிவிப்பு வெளியானதைத் தொடர்ந்து, டில்லியில் இயல்பு நிலை திரும்பியது. முக்கிய இடங்களுக்கு வழக்கம்போல் மக்கள் திரண்டனர்.