நான் அமர்ந்திருந்த பகுதியில் மட்டுமே தப்பிக்க இடம் இருந்தது. விபத்து குறித்து பிரதமர் மோடி என்னிடம் கேட்டறிந்தார். நானும் இறந்திருப்பேன் என்றே நினைத்தேன். என் கண் முன்னே அனைத்து துயர சம்பவங்களும் நிகழ்ந்தது. விடுதியில் விமானம் மோதிய பக்கம் நான் அமரவில்லை. இது தான் நான் தப்பிக்க உதவியது.

அவசர வழி

சீட் உடைந்து தனியாக வந்ததால் அவசர வழி வழியாக உயிர் தப்பினேன். புறப்பட்ட 30 விநாடிகளில் பெரும் சத்தத்துடன் விமானம் விழுந்து நொறுங்கியது. விமானத்தில் என்னைச் சுற்றிலும் உடல்கள் சிதறிக் கிடந்தன. ஒரு பக்க அவசர வழி சேதமடைந்த நிலையில், மறுபக்க அவசர வழி வழியாக வெளியேறினேன். இவ்வாறு அவர் கூறினார்.

பூமி சவுகான் பேட்டி

விமானத்தை தவறவிட்ட பயணி, பூமி சவுகான் கூறியதாவது: போக்குவரத்து நெரிசல் காரணமாக 10 நிமிடங்கள் தாமதமாக சென்றதால் விமானத்தை தவறவிட்டேன். இதனால் உயிர் பிழைத்தேன். நான் செல்லவிருந்த விமானம் விபத்துக்குள்ளானதை அறிந்ததும் எனது உடல் நடுங்கியது, என்றார்.