'பிளே-ஆப்' சுற்றில் குஜராத்: சுதர்சன் சதம் விளாசல்
'பிளே-ஆப்' சுற்றில் குஜராத்: சுதர்சன் சதம் விளாசல்
'பிளே-ஆப்' சுற்றில் குஜராத்: சுதர்சன் சதம் விளாசல்
ராகுல் சதம்
டில்லி அணிக்கு டுபிளசி (5) ஏமாற்றினார். ரபாடா வீசிய 6வது ஓவரில் 2 சிக்சர், ஒரு பவுண்டரி விளாசிய லோகேஷ் ராகுல், ரஷித் கான் பந்தை பவுண்டரிக்கு அனுப்பி 35 பந்தில் அரைசதம் கடந்தார். அபிஷேக் போரெல் (30), கேப்டன் அக்சர் படேல் (25) ஓரளவு கைகொடுத்தனர். பிரசித் கிருஷ்ணா வீசிய 19வது ஓவரில் 2 சிக்சர், ஒரு பவுண்டரி அடித்த ராகுல், பிரிமியர் லீக் அரங்கில் தனது 5வது சதத்தை பதிவு செய்தார்.டில்லி அணி 20 ஓவரில், 3 விக்கெட்டுக்கு 199 ரன் எடுத்தது. ராகுல் (112 ரன், 4 சிக்சர், 14 பவுண்டரி), ஸ்டப்ஸ் (21) அவுட்டாகாமல் இருந்தனர்.
சூப்பர் சுப்மன்
சவாலான இலக்கை விரட்டிய குஜராத் அணிக்கு சாய் சுதர்சன், கேப்டன் சுப்மன் கில் ஜோடி சூப்பர் துவக்கம் கொடுத்தது. நடராஜன் வீசிய 2வது ஓவரில் ஒரு சிக்சர், 3 பவுண்டரி விளாசிய சுதர்சன், அக்சர் படேல் பந்தை பவுண்டரிக்கு அனுப்பி 30 பந்தில் அரைசதம் கடந்தார். துஷ்மந்தா சமீரா பந்தை பவுண்டரிக்கு விரட்டிய சுப்மன் கில், தன்பங்கிற்கு அரைசதம் விளாசினார். இவர்களை பிரிக்க முடியாமல் டில்லி அணி பவுலர்கள் திணறினர்.
சுதர்சன் அபாரம்
குல்தீப் யாதவ் பந்தை சிக்சருக்கு பறக்கவிட்ட சுதர்சன், பிரிமியர் லீக் அரங்கில் தனது 2வது சதத்தை பதிவு செய்தார். தொடர்ந்து அசத்திய சுதர்சன், விப்ராஜ் நிகம் பந்தை சிக்சருக்கு அனுப்பி வெற்றியை உறுதி செய்தார். குஜராத் அணி 19 ஓவரில், விக்கெட் இழப்பின்றி 205 ரன் எடுத்து வெற்றி பெற்றது. சுதர்சன் (108* ரன், 4 சிக்சர், 12 பவுண்டரி), சுப்மன் (93* ரன், 7 சிக்சர், 3 பவுண்டரி) அவுட்டாகாமல் இருந்தனர்.-----------
மூன்று அணிகள் தகுதி
ஒன்பதாவது வெற்றியை பதிவு செய்த குஜராத் அணி 18 புள்ளிகளுடன் 3வது முறையாக 'பிளே-ஆப்' சுற்றுக்கு முன்னேறியது. குஜராத் அணி வென்றதால், பெங்களூரு, பஞ்சாப் அணிகளும் 'பிளே-ஆப்' சுற்றுக்கு தகுதி பெற்றன. தற்போது மீதமுள்ள ஒரு இடத்துக்கு மும்பை, டில்லி அணிகளுக்கு இடையே போட்டி நிலவுகிறது.