மும்பை: தற்கொலை செய்து கொண்ட நடிகர் சுஷாந்த் சிங் ராஜ்புத்தின் மேலாளர் மரணம் குறித்த விவகாரத்தின் தனது நற்பெயருக்கு களங்கம் ஏற்படுத்த முயற்சி நடப்பதாக மஹாராஷ்டிரா முன்னாள் முதல்வர் உத்தவ் தாக்கரேவின் மகன் ஆதித்யா தாக்கரே கூறியுள்ளார்.

பிரபல கிரிக்கெட் வீரர் தோனியின் வாழ்க்கை வரலாற்று படத்தில் நடித்து பிரபலமானவர் சுஷாந்த் சிங் ராஜ்புத். இவர் கடந்த 2020ம் ஆண்டு ஜூன் 14ம் தேதி அவரது வீட்டில் தற்கொலை செய்து கொண்டார். அதில் சந்தேகம் உள்ளதாக பலர் கூறி வருகின்றனர். இதற்கு ஆறு நாட்களுக்கு முன்னர், ஜூன் 8ம் தேதியன்று, அவரது மேலாளர் திஷா சாலியன், வீட்டின் 14வது மாடியில் இருந்து விழுந்து மரணமடைந்தார். இதனை Accidental Death Report எனற வகையில் போலீசார் வழக்குப்பதிவு செய்து விசாரித்து வருகின்றனர்.

இந்நிலையில் சம்பவம் நடந்து ஐந்தாண்டுகளுக்கு பிறகு, திஷாவின் தந்தை சதிஷ் மும்பை ஐகோர்ட்டில் தாக்கல் செய்த மனு ஒன்றில்,' திஷா மரணம் குறித்து புதிதாக விசாரிக்க வேண்டும். ஆதித்யா தாக்கரே மீது வழக்குப்பதிவு செய்வதுடன், விசாரணையை சி.பி.ஐ.,க்கு மாற்ற வேண்டும் எனக்கூறி உள்ளார்.

இது தொடர்பாக முன்னாள் அமைச்சர் ஆதித்யா தாக்கரே கூறியதாவது: கடந்த ஐந்து ஆண்டுகளாக எனது நற்பெயரை கெடுக்க முயற்சி நடக்கிறது. எங்கள் தரப்பு நியாயத்தையும், வாதங்களையும் நீதிமன்றத்தில் வைப்போம் என்றார்.