பயங்கரவாதி அப்பாவி குடும்பஸ்தரா?

முரிட்கேயில் பயங்கரவாதிகளின் இறுதிச் சடங்குகளை தலைமையேற்று நடத்திய, அமெரிக்காவால் சர்வதேச பயங்கரவாதி என அறிவிக்கப்பட்டுள்ள அப்துர் ரவூப்பை, 'அப்பாவி குடும்பஸ்தர்; மதகுரு' என பாகிஸ்தான் கூறுகிறது. இதுகுறித்து, பாக்., ராணுவ செய்தித் தொடர்பு துறை இயக்குநர் ஜெனரல் அகமது ஷெரிப் கூறுகையில், ''அப்துர் ரவூபின் தனிப்பட்ட தேசிய அடையாள அட்டையின்படி, 'பாகிஸ்தான் மார்கஸி முஸ்லிம் லீக்' என்ற அமைப்பின் சமூக சேவைகள் பிரிவின் பொறுப்பாளர்,'' என்றார். அப்துர் ரவூபின் தேசிய அடையாள எண்ணையும் அவர் வெளியிட்டார். ஆனால், அந்த எண் அடிப்படையில் பார்த்தால், ஹபீஸ் அப்துர் ரவூப்பின் பெயர், பிறந்த தேதி ஆகியவை, அமெரிக்காவின் தடை விதிக்கப்பட்ட பயங்கரவாதி பட்டியலில் உள்ள விபரங்களுடன் மிகச் சரியாக பொருந்துகின்றன.