பெங்களூரு: பெங்களூரு ஹலசூரில் உள்ள, சுயம்பு காளியம்மன் கோவிலில் வரும் 9ம் தேதி, சனீஸ்வர பகவான் சகல தோஷ நிவாரண அகண்ட மஹா ஹோமம் நடக்கிறது.

பெங்களூரு ஹலசூரு மார்க்கெட் பின்புறம் உள்ள, காளியம்மன் கோவில் தெருவில், சுயம்பு காளியம்மன் கோவில் உள்ளது. இங்கு கணபதி, தட்சிணாமூர்த்தி சமேத சனீஸ்வரர் கோவிலும் உள்ளது.

வரும் 9ம் தேதி காலை 8:30 மணி முதல் காலை 11:00 மணி வரை, சனீஸ்வர பகவான் சகல தோஷ நிவாரண அகண்ட மஹா ஹோமம் நடக்கிறது.

ஹோமத்தில் கலந்து கொள்ளும் பக்தர்களுக்கு ஆயுள், ஆரோக்கிய மேன்மை, புத்ர பாக்யம், மாங்கல்ய தோஷம் நிவர்த்தி, தம்பதி இடையில் மன ஒற்றுமை, வியாபார அபிவிருத்தி ஏற்படும் என கருதப்படுகிறது.

காலை 11:00 மணிக்கு மஹா மங்களராத்தி மற்றும் பக்தர்களுக்கு பிரசாத வினியோகம். காலை 11:30 மணிக்கு பக்தர்களால் ஆஹுதி, மதியம் 12:00 மணிக்கு அன்னதானம் வழங்கப்படுகிறது.

விழா ஏற்பாடுகளை கோவில் நிர்வாகிகள் பி.பார்த்திபன், பி.சந்தானம் ஆகியோர் செய்துள்ளனர்.