எம்.எம்.ஏ.,வுக்கு தடை

ஓட்டுப் பதிவின்போது, ஒரு ஓட்டுச்சாவடிக்குள் சென்று, மின்னணு ஓட்டுப்பதிவு இயந்திரங்களை சேதப்படுத்தியதாக, ஆந்திராவில் ஆளும் ஒய்.எஸ்.ஆர்.காங்.,கைச் சேர்ந்த எம்.எல்.ஏ.,வான பின்னேலி ராமகிருஷ்ண ரெட்டிக்கு எதிராக குற்றம் சாட்டப்பட்டுள்ளது. ஓட்டு எண்ணிக்கையின்போது, ஓட்டு எண்ணிக்கை மையத்துக்குள் செல்வதற்கு அவருக்கு தடை விதிக்கக் கோரி, உச்ச நீதிமன்றத்தில் வழக்கு தொடரப்பட்டுள்ளது.இதை விசாரித்த, நீதிபதிகள் அரவிந்த் குமார், சந்தீப் மேத்தா அமர்வு, ஓட்டு எண்ணிக்கையின்போது, ஓட்டு எண்ணிக்கை மையத்துக்குள் மற்றும் அந்த மையத்துக்கு அருகிலேயோ செல்வதற்கு, எம்.எல்.ஏ.,வுக்கு தடை விதித்து நேற்று உத்தரவிட்டது.